Eg kan ikkje skryte av å ha vore spesielt aktiv siste øh, årene, men lat oss slå ein strek over det. Eg har iallefall importert min forrige blogg med ymse rart, adressa den gongen var ag.vided.org. Lenker, bilete og kommentarar forsvann, men det er igrunnen ikkje så nøye, det kan eg sjå på seinare. Nok om det. Eller forresten, kudos til Wordpress for kjapp import, det tok meg omtrent to minuttar å importere. Og før det ca. 10 min å installere Wordpress, inkludert pausesurfing medan filene vart pakka ut og kopiert etc. Det som tar tid er altså skrivinga.
Så, i ånda åt domenenamnet, kvifor? Kvifor denne nye satsinga? Vel, for det første fekk eg eit spark i leggen i dag av Jon som dissa meg for at eg ikkje blogga. Eg skulda rått og hensynslaust på tidsklemma og familieliv, men alle veit jo at det ikkje held vatn. Hm, eg skal ikkje skryte på meg mykje bot og betring, men her er i det minste eit første spede forsøk på å vere tilbake på hesteryggen. Design, dill & dall får komme seinare.